തിരുവനന്തപുരം: സംസ്ഥാന മനുഷ്യാവകാശ കമ്മീഷൻ ഡിസംബർ 10 ന് സംഘടിപ്പിക്കുന്ന മനുഷ്യാവകാശ ദിനാഘോഷത്തോട് അനുബന്ധിച്ച് നടത്തിയ ലേഖന മത്സരത്തിൽ തിരുവനന്തപുരം ഗവ. ലാ കോളേജിലെ ബി.എ. എൽ എൽ ബി ഒൻപതാം സെമസ്റ്റർ വിദ്യാർത്ഥിനി ജി.ബി. ശിവരഞ്ജിനി ഒന്നാം സമ്മാനം നേടിയതായി കമ്മീഷൻ സെക്രട്ടറി കെ.ആർ. സുചിത്ര അറിയിച്ചു.
തിരുവനന്തപുരം ഗവ. ലാ കോളേജിലെ എൽ എൽ ബി മൂന്നാം വർഷ വിദ്യാർത്ഥിനി ഹിബ ജെഫി പി ടി രണ്ടാം സമ്മാനം നേടി. തിരുവനന്തപുരം ഗവ. ലാ കോളേജ് ബി എ എൽ.എൽ.ബി. ഏഴാം സെമസ്റ്റർ വിദ്യാർത്ഥിനി ഇ. ഹരിപ്രിയ മൂന്നാം സമ്മാനം നേടി.
ഡിസംബർ പത്തിന് രാവിലെ പത്തു മണിക്ക് തിരുവനന്തപുരം മാസ്കറ്റ് ഹോട്ടൽ സിംഫണി ഹാളിൽ നടക്കുന്ന സമ്മേളനത്തിൽ വ്യവസായ- നിയമമന്ത്രി പി. രാജീവ് സമ്മാനങ്ങൾ വിതരണം ചെയ്യും.
മനുഷ്യാവകാശ കമ്മീഷൻ ലേഖന മത്സരത്തിൽ ജി. ബി. ശിവരഞ്ജിനിക്ക് ഒന്നാം സ്ഥാനം
About the Author
